Skipulagsdagurinn 2022 - Upptaka og glærur
Skipulagsdagurinn fór fram 17. nóvember
Það var hvert sæti skipað í Háteigi, ráðstefnusal á Grand Hótel, þegar Skipulagsdagurinn, árleg ráðstefna Skipulagsstofnunar og Sambands íslenskra sveitarfélaga um skipulagsmál, fór fram fimmtudaginn 17. nóvember. Í ár var sjónum beint að nokkrum af helstu viðfangsefnum og áskorunum okkar tíma í skipulagsmálum og landnotkun: stafrænni vegferð, fæðuöryggi, skipulagi bæjarrýmis og orkuskiptum. Fjölbreyttur hópur sérfræðinga og hagsmunaaðila frá ríki, sveitarfélögum og úr atvinnulífinu flutti erindi en að þeim loknum tóku við pallborðsumræður.
Ólafur Árnason segir frá stafrænni vegferð. Mynd: Ívar Eyþórsson.
Fjörugar umræður einkenndu viðburðinn þar sem áhugaverð sjónarhorn komu fram við hvert einasta viðfangsefni fundarins. Þátttakendur í pallborðum sýndu jafnan beittan húmor í bland við alvöru sem vakti mikla lukku meðal gesta. Krefjandi spurningar komu einnig úr sal, sem og frá fjarfundargestum í gegnum snjallforritið sli.do – en allt í allt voru gestir hátt í 400 talsins, um 180 í sal og yfir 200 í streymi.
Góður rómur var gerður að störfum fundarstjóra, Guðmundar Gunnarssonar fjölmiðlamanni, sem hélt afar vel um dagskrá og umræður. Skipulagsstofnun vill að lokum þakka fyrirlesurum, þátttakendum í pallborði og ekki síst fundargestum fyrir afar ánægjulegan Skipulagsdag.
Hér að neðan má nálgast glærukynningar frummælenda og jafnframt skoða upptöku frá ráðstefnunni.
Stafræn vegferð
Digital Transformation of Planning in Scotland - Glærur
Liz Pringle, forstöðumaður stafræns skipulags hjá Skipulagsstjóra skosku heimastjórnarinnar
Stafræn vegferð í skipulagsmálum: Bylting í yfirsýn, miðlun og samráði - Glærur
Ólafur Árnason, settur forstjóri Skipulagsstofnunar
Fæðuöryggi
Staða Íslands með tilliti til fæðuöryggis - Glærur
Jóhannes Sveinbjörnsson, dósent við Landbúnaðarháskóla Íslands
Flokkun landbúnaðarlands – og hvað svo? - Glærur
Anton Kári Halldórsson, sveitarstjóri Rangárþings eystra
Ávarp frá Sambandi íslenskra sveitarfélaga - Glærur
Heiða Björg Hilmisdóttir, formaður Sambands íslenskra sveitarfélaga
Bæjarrýmið
Mannlíf, byggð og bæjarrými: Leiðbeiningar um sjálfbært skipulag og vistvænar samgöngur í þéttbýli - Glærur
Magnea Guðmundsdóttir, arkitekt hjá Teiknistofunni Stiku
Að byggja borg – Leiðbeiningar við gerð deiliskipulagsáætlana og aðrir hönnunarþættir - Glærur
Borghildur Sturludóttir, deildarstjóri deiliskipulags hjá Reykjavíkurborg
Orkuskiptin
Hvað felst í orkuskiptunum? Glærur
Marta Rós Karlsdóttir, sviðsstjóri sjálfbærrar auðlindanýtingar og staðgengill Orkumálastjóra
Vindorkunýting á forsendum sveitastjórna - Glærur
Jónína Brynjólfsdóttir, forseti sveitarstjórnar og formaður umhverfis- og framkvæmdaráðs Múlaþings
Upptaka frá Skipulagsdeginum:
https://www.youtube.com/watch?v=CsOS99sv0YA