• Aðalskipulag er skipulagsáætlun sem nær til alls lands sveitarfélags
• Í aðalskipulagi birtist stefna sveitarstjórnar um landnotkun, samgöngu- og þjónustukerfi, umhverfismál, þróun byggðar og byggðamynstur til a.m.k. 12 ára
• Í aðalskipulagi eru forsendur fyrir gerð deiliskipulags
• Aðalskipulag er háð samþykki sveitarstjórnar og staðfestingu Skipulagsstofnunar eða umhverfisráðherra þegar það á við

Sveitarstjórn ber ábyrgð á gerð og endurskoðun aðalskipulags. Gerð aðalskipulags á að byggja á markmiðum skipulagslaga, landsskipulagsstefnu, svæðisskipulags, liggi það fyrir, auk þess sem samræmis skal gætt við aðalskipulag aðliggjandi sveitarfélaga. Við mótun tillögu skal jafnhliða lagt mat á umhverfisáhrif stefnu.

Í upphafi skipulagsvinnunnar skal sveitarstjórn taka saman lýsingu á skipulagsverkefninu þar sem fram koma áherslur sveitarstjórnar við skipulagsgerðina og upplýsingar um skipulagsforsendur, fyrirhugað skipulagsferli, kynningu og samráð. Leita skal umsagnar um lýsinguna hjá Skipulagsstofnun og umsagnaraðilum og kynna almenningi.

Að afloknum sveitarstjórnarkosningum skal sveitarstjórn taka til umfjöllunar og ákveða hvort ástæða sé til að endurskoða gildandi aðalskipulag. Við slíka endurskoðun skal hugað að samfélagsþróun undanfarinna 4 ára og til næstu framtíðar auk þess að skoða hvernig framfylgd aðalskipulagsins hefur gengið eftir. Nýtt aðalskipulag og breytingar á því er háð staðfestingu Skipulagsstofnunar eða umhverfisráðherra þegar það á við.

Nánari upplýsingar um gerð og málsmeðferð aðalskipulags má nálgast með eftirfarandi krækjum

Skipulagslög nr. 123/2010
Skipulagsreglugerð - Með fyrirvara um að vísað er til eldri skipulagslaga (nr. 73/1997)
Lög um umhverfismat áætlana