Staðfesting á breytingu á rammahluta aðalskipulags í Vífilsstaðalandi vegna íbúðarbyggðar í Hnoðraholti
Skipulagsstofnun staðfesti, 9. nóvember 2023, breytingu á Aðalskipulagi Garðabæjar 2016-2030 sem samþykkt var í bæjarstjórn 19. október 2023.
Breytingin tekur til rammahluta aðalskipulags í Vífilsstaðalandi og felst í að íbúðum í Hnoðraholti innan íbúðarbyggðar 4.11 ÍB er fjölgað úr 200 í 236 og hámarkshæð verður fimm hæðir í stað fjögurra hæða. Innan íbúðarbyggðar 4.12 ÍB er íbúðum fjölgað úr allt að 170 í allt að 280 og hámarkshæð verður fjórar hæðir í stað þriggja hæða.
Málsmeðferð var samkvæmt 1. mgr. 36. gr. skipulagslaga nr. 123/2010.
Hægt verður að nálgast aðalskipulagsbreytinguna á Skipulagsvefsjá Skipulagsstofnunar og í Skipulagsgátt þegar breytingin hefur öðlast gildi með birtingu í B-deild Stjórnartíðinda.