Staðfesting á breytingu á aðalskipulagi fyrrum Seyðisfjarðar vegna snjóflóðavarnarkeilna norðan Öldugarðs, Múlaþingi
Skipulagsstofnun staðfesti, 7. desember 2023, breytingu á Aðalskipulagi Seyðisfjarðar 2010-2030 sem samþykkt var í sveitarstjórn 15. nóvember 2023.
Í breytingunni felast áform um uppbyggingu fimm varnarkeilna norðan við snjóflóðavarnargarðinn Öldugarð sem nú er í framkvæmd. Opið svæði til sérstakra nota stækkar úr 4 ha í allt að 6 ha. Óbyggt svæði minnkar sem því nemur.
Málsmeðferð var samkvæmt 1. mgr. 36. gr. skipulagslaga nr. 123/2010.
Hægt verður að nálgast aðalskipulagsbreytinguna á Skipulagsvefsjá Skipulagsstofnunar og í Skipulagsgátt þegar breytingin hefur öðlast gildi með birtingu í B-deild Stjórnartíðinda.