Staðfesting á Aðalskipulagi Kópavogs 2019-2040
Skipulagsstofnun staðfesti, 28. desember 2021, Aðalskipulag Kópavogs 2019-2040 og skrá yfir vegi í náttúru Íslands, sem samþykkt voru í bæjarstjórn 28. september 2021. Við gildistöku aðalskipulagsins fellur úr gildi Aðalskipulag Kópavogs 2012-2024 ásamt síðari breytingum.
Málsmeðferð var samkvæmt 30. - 32. gr. skipulagslaga nr. 123/2010.
Hægt verður að nálgast aðalskipulagið á Skipulagsvefsjá Skipulagsstofnunar þegar það hefur öðlast gildi með birtingu í B-deild Stjórnartíðinda.