Ný skipulagslög

Ný skipulagslög, ný mannvirkjalög og drög að nýjum reglugerðum

Efnt er til kynningarfunda þar sem fulltrúar Skipulagsstofnunar, Mannvirkjastofnunar og umhverfisráðuneytisins kynna ný skipulagslög og ný mannvirkjalög sem tóku gildi 1. janúar s.l. og jafnframt drög að nýjum reglugerðum.

Þessi nýju lög varða hagsmuni sveitarfélaga, fyrirtækja, stofnana, félagasamtaka og almennings og verða fundirnir opnir öllum sem áhuga hafa á því að kynna sér þennan málaflokk. Að kynningu lokinni verða umræður og munu fulltrúar frá Skipulagsstofnunar, Mannvirkjastofnunar og umhverfisráðuneytisins svara fyrirspurnum frá fundargestum.

Kynningarfundirnir verða á eftirtöldum stöðum:

Á Ísafirði í húsnæði Fræðslumiðstöðvar Vestfjarða, Suðurgötu 12 og einnig í fjarfundi á Hólmavík (Þróunarsetri) og á Patreksfirði (Þróunarsetrið Skor), fimmtudaginn 24. febrúar kl. 13-16
Í Borgarnesi, Menntaskóla Borgarfjarðar, Borgarbraut 54, föstudaginn 25. febrúar kl. 13-16
Á Akureyri, Ketilhúsinu, Kaupvangsstræti 23, fimmtudaginn 3. mars kl. 13-16
Á Egilsstöðum, Hótel Héraði (Icelandair Hotels) Miðvangi 5-7, föstudaginn 4. mars kl.13-16
Á Hvolsvelli, Félagsheimilinu Hvoli, Austurvegi 8,

fimmtudaginn 10. mars kl.13-16
Í Reykjavík, fyrirlestrasal Þjóðminjasafns Íslands, Suðurgötu 41, föstudaginn 11. mars kl. 13-16

Dagskrá

13:00 Ný skipulagslög, helstu nýmæli
          Sigríður Auður Arnardóttir, umhverfisráðuneyti
13:30 Vinna við nýja skipulagsreglugerð
          Stefán Thors/Hafdís Hafliðadóttir, Skipulagsstofnun
14:00  Kaffihlé
14:20  Lög um mannvirki
          Steinunn Fjóla Sigurðardóttir/Hafsteinn Pálsson, umhverfisráðuneyti
14:50 Mannvirkjastofnun
          Bendedikt Jónsson/Guðmundur Gunnarsson, Mannvirkjastofnun
15:20 Umræður
16:00 Fundarlok

Senda grein

Ný skipulagslög