| | Hvenær er þörf á framkvæmdaleyfi ? |
| | Meiriháttar framkvæmdir sem ekki eru háðar byggingarleyfi eru framkvæmdarleyfisskyldar. Framkvæmdir teljast meiriháttar þegar þær vegna eðlis eða umfangs hafa áhrif á umhverfið og breyta ásýnd þess.
Dæmi um framkvæmdaleyfisskyldar framkvæmdir eru meiriháttar framkvæmdir við götur, holræsi, vegi og brýr, aðrar en göngubrýr í þéttbýli, jarðgöng, flugbrautir, dreifi- og flutningskerfi veitna og fjarskipta, hafnir, virkjanir, efnistaka og sorpförgun.
Við mat á framkvæmdaleyfisskyldu annarra framkvæmda ber að hafa í huga stærð og umfang framkvæmdar, eðli hennar, varanleika og áhrif á ásýnd umhverfisins. Þá skiptir máli hvort framkvæmdin er líkleg til að valda hættu eða hafa áhrif á hagsmuni annarra.
Framkvæmdir sem eru háðar lögum um mat á umhverfisáhrifum eru framkvæmdaleyfisskyldar.
Sjá nánar: Leiðbeiningablað Skipulagsstofnunar nr. 7. |
|