| | Hver er réttur minn til þátttöku og kynningar við skipulagsgerð? |
| | Við mótun skipulagstillögu er sveitarstjórnum skylt að leita eftir sjónarmiðum og tillögum íbúa og annarra þeirra sem hagsmuna eiga að gæta um mörkun stefnu, áherslur og skipulagsmarkmið.
Á lokastigum skipulagsgerðar er skylt að kynna skipulagstillögu fyrir almenningi.
Tillögu að nýju svæðisskipulagi og aðalskipulagi og verulegri breytingu á þeim, er skylt að kynna á almennum fundi áður en samþykkt er að auglýsa tillöguna.
Tillögu að deiliskipulagi og óverulegum breytingum á svæðis- og aðalskipulagi er ekki skylt að kynna með sama hætti áður en formlegur kynningartími og athugasemdafrestur hefst.
Tillögu að óverulegri breytingu á deiliskipulagi má kynna með svokallaðri grenndarkynningu í stað þess að hún sé auglýst. Sjá svör við spurningu um muninn á auglýsingu og grenndarkynningu.
Sjá nánar: Leiðbeiningablöð Skipulagsstofnunar nr. 2, 3, 4 og 8 Leiðbeiningablöð Skipulagsstofnunar nr. 2, 3, 4 og 8
og skipulagsreglugerð. |
|