| |
 Skipulagsvefsjá
Skipulagsstofnun hefur opnað svokallaða Skipulagsvefsjá sem er rafrænt gagnasafn skipulagsáætlana sem varðveittar eru hjá stofnuninni. Með tímanum verður hægt að nálgast þar allt deili- og aðalskipulag sem samþykkt og staðfest hefur verið samkvæmt skipulags- og byggingarlögum nr. 73/1997 og stofnunin hefur fengið til varðveislu.
Vinsamlegast sendið athugasemdir og ábendingar um það sem betur má fara í Skipulagsvefsjánni á netfangið skipulag@skipulag.is, merkt "Skipulagsvefsjá" í efnislínu.
sjá nánar
Samráðsfundur Skipulagsstofnunar og sveitarfélaga um skipulagsmál og mat á umhverfisáhrifum 16. og 17. september
Vegna sveitarstjórnakosninganna í vor hefur verið ákveðið að flytja árlegan samráðsfund Skipulagsstofnunar með sveitarfélögunum til haustsins eða til 16. og 17. september og verður hann haldinn á höfuðborgarsvæðinu. Þar verður sem áður farið yfir þau málefni sem Skipulagsstofnun telur brýnt að koma á framfæri við sveitarfélögin og rætt það sem brennur á sveitarfélögunum.
Skipulagsstofnun óskar eftir ábendingum og óskum sveitarfélaga um umræðuefni fundarins. Vinsamlega sendið ábendingar á netfangið: skipulag@skipulag.is
Dagskrá verður kynnt síðar.
Sýningarrými Skipulagsstofnunnar - Mál í kynningu
Skoða má auglýsingar um aðal- og svæðisskipulagstillögur og tillögur að matsáætlunum og matsskýrslur hér í sýningarrými Skipulagsstofnunar.
Ákvarðanir um sameiginlegt mat
Skipulagsstofnun hefur tekið ákvarðanir um hvort meta skuli framkvæmdir sameiginlega.
Ákvarðanir um sameiginlegt mat
|
|
|