| | Hver greiðir kostnað við mat á umhverfisáhrifum framkvæmda? |
| | Framkvæmdaraðili ber kostnað af mati á umhverfisáhrifum framkvæmdar og af auglýsingum og kynningu vegna hennar. Í því felst einnig að framkvæmdaraðili greiðir Skipulagsstofnun fyrir þann tíma sem fer í umfjöllun stofnunarinnar um matsáætlun, frummatsskýrslu og gerð álits um matsskýrslu skv. gjaldskrá sem umhverfisráðherra setur. Þegar Skipulagsstofnun hefur tekið ákvörðun um tillögu að matsáætlun fær framkvæmdaraðili senda kostnaðaráætlun sem honum gefst kostur á að gera athugasemd við.
Framkvæmdaraðili ber engan kostnað af umfjöllun Skipulagsstofnunar um tilkynningarskyldar framkvæmdir. |
|